Veður ehf

Um vindstefnu.

• Ríkjandi veðurkerfi stjórna veðri á tilteknu landsvæði og auðvitað uppi í háloftunum líka. Þá gildir hin almenna regla að vindur snýst rangsælis í kringum lægðarmiðjur á Norðurhveli jarðar og að vindur snýst réttsælis í kringum hæðir á sama jarðarhveli. Þessu er öfugt farið á Suðurhveli.
  
  
• Jafnþrýstilínur sem dregnar eru á kort eru skoðaðar og metnar af veðurfræðingi. Út frá þeirri skoðun er vindstefna og vindhraði metinn. Í öllum tilvikum reyna menn að búa til spá sem tekur mið af órtrufluðum vindi sem næst því að vera í 10 m. hæð. En vegna þessara staðbundnu áhrifa landslags getur oftar en ekki, vindhraði og vindstefna verið kolvitlaus sé spáin skoðuð og borin saman við þann stað sem viðkomandi er á hverju sinni.
  Þetta þýðir t.d. að í stífri austanátt getur verið nokkuð annað veður í Árbænum í Reykjavík en við t.d. Austurstrætið í miðbæ Reykjavíkur svo einhver dæmi séu tekin. Þarna eru ekki margir kílómetrar á milli, en bæði vindhraði og vindstefna getur verið önnur. Þetta á einnig við um t.d. útkomutegundir (snjór, slydda, rigning).
  Menn geta því gert sér í hugarlund hve gætilega þarf að rýna í veðurspár þegar menn dvelja á landsvæðum þar sem heilu fjallstindarnir eru farnir að stýra veðrinu að miklu eða nokkru leyti.
  Eða kannast einhver við setninguna: "Hann spáði nú aldeilis ekki þessu veðri"???

ÁFRAM