Veður ehf

Vindstrengir - Sumir hættulegir

• Þegar vindur "rekst á fjall" þá "þjappast" vindurinn/loftið saman vegna mótstöðunnar. En vindurinn er ekki af baki dottinn. Hann á nefnilega þrjá eða fjóra möguleika í stöðunni.
  
  
1. Fara yfir fjallið
2. Fara vinstra megin við það
3. Fara hægra megin við það
4. Hvolfast aftur fyrir sig líkt og sjávaralda í miklu brimi og vindi (gerist fyrst og fremst í mjög miklum vindi)






Þessi "vindpakki" sem þarna er lentur í krísunni, samþjappaður af stöðugum vindi sem á fjallinu lendir þrýstir sér því áðurnefndar þrjár leiðir, þ.e. 1-3. Þar leggst þetta samþjappaða loft / vindur við þann vind sem fyrir er. M.ö.o. samlegðaráhrif. Þarna geta því myndast miklir strengir, og því meiri sem almennur vindhraði er á svæðinu þeim mun sterkari verða strengirnir. Þetta þýðir það að almenn veðurspá sem hljómar ekkert ógurlega illa getur þegar á hólminn er komið og við vissar aðstæður reynst hættublandinn. Þetta þýðir að staðbundnir þættir stýra talsvert veðri og þar með er staðbundinn þekking á svæði sem ferðast er um, mjög mikilvæg. Þarna kann svo að vera að 5 ára nám veðurfræðings dugi skemur en staðbundinn þekking gamanleikara.

ÁFRAM