Þegar
vindur gengur af hafi og inn á land þá veitir landið
viðnám sem veldur því að það dregur
úr vindhraða eftir að vindurinn er kominn inn á
landið.
En kannski
leynast í þessu viðnámi sem landið veitir
vindinum ákveðnar hættur sem við skoðum aðeins
nánar síðar.
En ef landið
veitir þetta viðnám hvers vegna er þá oft
svona hvasst, t.d. á Stórhöfða eða inni í
miðju landi eins og á Hveravöllum, nú eða á
Kjalarnesinu eða jafnvel undir Hafnarfjallinu? Þetta skoðum
við betur. En til að byrja með getum við sagt að samkvæmt
eðli máls dregur fast land úr vindhraða. En þegar
farið er til fjalla, má reikna með að vindhraði
aukist enda yfirborðsflatarmál fasts lands minna með aukinni
hæð.